Temos novidades

 

Pásate pola biblioteca, de seguro que hay algo para tí

Disfrutando do sol despois dun intenso debate

 Compañeiros do club de lectura disfrutan despois do debate tras a lectura da obra "A desvertebra" de Ana Romaní

Opinións de lecturas

 

O ALUMNADO OPINA das SÚAS LECTURAS

Manuel Villaverde Framil, do C.S. Dirección de Servizos, oferta modular dános a súa opinión do

 libro “Botcham”, de Natsume Soseki. Segundo a reseña da contraportada “unha das novelas máis celebradas polos lectores do Xapón: conta a historia dun profesor que é enviado a dar clase de matemáticas a un pobo perdido dunha das illas do arquipélago xaponés e alí atoparase cunha serie de situacións inverosímiles coas que terá que lidiar.

               Na miña opinión, o propósito do libro é satirizar diversos mitos e costumes do Xapón da época (hai cen anos), tanto o papel dos Mestres na sociedade (“sensei”) como a retitude da cultura xaponesa, empregando para iso unha narrativa burlesca pero con humor doutras épocas e latitudes. O tradutor resalta a dificultade tanto de que o humor, en xeral, sobreviva ao paso do tempo, como que o resultado da traducción poida non ter o mesmo éxito que na escritura orixinal.

               Para min, pode ser un bo libro para lectores que se están a iniciar, pero que non aportará moito aos máis experimentados. O que si me gustou foron as similitudes dos “personaxes colectivos” (o profesorado, o alumnado) e os motes que o protagonista pon aos mestres. Recordan a outros libros que teño lido recementemente, “El lector de Julio Verne” de Almudena Grandes.

 

Encontro coa autora gañadora do premio da XV edición de album ilustrado Compostela

 

Esta semana tivemos a ocasión de contar no noso centro coa autora gañadora da XV edición do premio Compostela co album ilustrado "Esperando o amencer" Fabiola Anchorena, acompañada da responsable de educación e cultura do concello Beatriz Varela, a directora comercial da editorial Manuela Rodriguez así como algúns membros da editorial.

 A autora e ilustradora comparteu co alumnado de Ciclo Superior de Educación Infantil o procedemento de elaboración do album no que a autora relata como os animais da selva da Amazonía non poden ver nin estrelas nin o sol debido aos incendios ata que a choiva volve a mostrarno toda a cor da selva.

Lecturas para o 25 N

 

Leo e Sheila, voluntarias da biblioteca seleccionaron lecturas para conmemorar o Día Internacional da eliminación contra a violencia da muller.

Día da ciencia no CEIP Lamas de Abade

     Com  motivo da celebración do día da ciencia, o alumnado de Ciclo Superior de Educación Infantil desenvolveu actividades de experimentación coa cor co alumnado de infantil do CEIP Lamas de Abade a partir dos albumes ilustrados "Un libro" de hervé Tullet, "O monstruo das cores" de Ana Llenas, e "O burriño verde de Anuska Allepud

 

Compartindo con Daniela "A árbore vermella"

                 Compartimos con Daniela, alumna de Integración social, a experiencia da lectura do álbum ilustrado A árbore vermella. Encontro no que conversamos sobre os tempos difíciles, a forza interior, a esperanza... 

                        Grazas por este agasallo

Un descanso para lelo xuntos

ACTIVIDADE BIBIOTECA CIFP COMPOSTELA_Curso 2022-23 O equipo da biblioteca do centro, manifesta que: " Cremos no poder das palabras, na imaxinación, na forza multiplicadora que teñen as historias e no potencial de liberdade que se xera nunha sociedade capaz de ler entre liñas, decodificar discursos e multiplicar as capas de sentido para afastarse dunha mensaxe única." Para darlle forma a esta crenza, iniciamos, un Ciclo de Lecturas breves, compartidas na biblioteca. Ímolo chamar: Un descanso para lelo xuntos. Está aberta a toda a comunidade educativa, só temos que dispoñer de ganas e 20 minutos, para ler e conversar ou solo escoitar 

Encontro coas autoras do ambum ilustrado "Paxaros"

      Esta semana tivemos ocasión de compartir con Natacha Ortega, e Lucía Franco, autora e ilustradora do albun "Paxaros",  a guitarra, a experiencia "Cunario", de animación á lectura para os mais pequenos, que  nos presentaron no centro, agasallándonos coa musicalización en directo acompañadas a guitarra de Mauricio.

        Natache e Mauricio presentáronnos o seu proxecto e mostraron as actividades que desenvolven cos mais pequenos.

Na imaxe podedes acceder ao booktrailer do album ilustrado: